ஜப்பான் மக்கள் கடின உழைப்பாளிகளா?

தோழர் செங்கொடி, தங்களின் பதிலுக்கு மிக்க நன்றி. எனது அடுத்து கேள்வியை தொடுக்கிறேன். ஜப்பான் நாட்டின் உண்மையான சூழல் என்ன? அங்கே இருப்பது என்ன வகையான பொருளாதார முறை? கடுமையான உழைப்பாளிகள் அந்த மக்கள் என்கிறார்கள்அங்கே ஸ்டிரைக் எனபதே அளவுக்கதிகமாக பணி செய்வதுதான் என்று புளங்காகிதம் அடைகிறார்கள், பழமையும் புதுமையும் கலந்த நாடு என்று வேறு மெச்சுகிறார்கள். உண்மையிலயே அந்த நாடு எந்த மாதிரியானது?

 

நண்பர் பிரசன்னா,

 

ஜப்பான் நாட்டின் சூழல் என்றால் எது குறித்தான சூழல்? ஜப்பான் ஓர் ஏகாதிபத்திய நாடு தான். முதலாளித்துவ பொருளாதாரம் தான் அரசின் கொள்கையாக இருக்கிறது.

 

பண்டைய ஜப்பானிய போர்கள் அதீத கொடுமைகளுக்கு பேர் போனவை. கூடவே பாலியல் குற்றங்களுக்கும். காலனி நாடு பிடிக்கும் போட்டியில் ஜப்பானும் இருந்தது. அந்த பகுதியைச் சேர்ந்த பிற நாட்டு மக்கள், ஜப்பான் என்றால் வலியும் வெறுப்பும் நிரம்பி வழியும் நினைவு கூர்தலை செய்து கொண்டிருக்கிறார்கள்.

 

ஆனால் இவைகளை எல்லாம் தாண்டி கடின உழைப்பாளிகள் என்ற எண்ணம் ஜப்பானிய மக்கள் மீது இருக்கிறது. இதற்குக் காரணம் என்னவென்றால், இரண்டாம் உலகப் போர் முடிந்த பிறகு அமெரிக்கா ஜப்பானின் மீது அணுகுண்டுகளை வீசி சோதனை செய்து பார்த்தது. இதில் பொருளாதார ரீதியாகவும், இராணுவ ரீதியாகவும் கடும் இழப்பைச் சந்தித்தது ஜப்பான். ஜப்பான் எனும் நாடு அழிந்தது என்றே அனைவரும் எண்ணினர். ஆனால் முப்பதே ஆண்டுகளின் ஜப்பான் மீண்டும் பொருளாதார வல்லரசானது. இரண்டாம் உலகப் போரின் தோல்விக்குப் பிறகு அமெரிக்க மூலதனம் ஜப்பானில் குவிக்கப்பட்டது. இயற்கை வளங்கள் பெரிதாக இல்லாத ஜப்பானில் அமெரிக்க தொழில்நுட்ப உதவியுடன் மின்னணுவியல் நுகர் பொருட்களை உற்பத்தி செய்யும் களமாக மாற்றப்பட, ஜப்பானிய தரகு முதலாளிகள் வெகுவாக வளர்ந்தனர். உலகச் சந்தைகளில் ஜப்பானிய மின்னணுவியல் பொருட்கள் நிறைந்தன. இதைத்தான் ஜப்பானின் பொருளாதார மீண்டெழுதல் என்றும், ஜப்பானிய மக்கள் எறும்பை விட சுறுசுறுப்பானவர்கள் என்றும் முதலாளித்துவ ஊடகங்கள் ஊதிப் பெருக்கின.

 

இன்றைய நிலை என்ன? மேற்கத்திய முதலாளித்துவ நாடுகளைப் போலவே ஜப்பானும் பொருளாதார மந்தத்தில் சிக்கிக் கொண்டு மீள முடியாமல் தவித்துக் கொண்டிருக்கிறது. இதை மறக்கடிக்க மீண்டும் இராணுவ வாதங்கள் நிகழ்ச்சி நிரலுக்கு வந்து கொண்டிருக்கின்றன. ஜப்பானின் அரசியல் சாசனத்தைப் பொருத்தவரை இராணுவம் என்பது உள்நாட்டு பாதுகாப்புக்காகவும், தேவைகளுக்காகவும் மட்டுமே. ஆனால் ஜப்பான் இராணுவம் இன்று ஜப்பானுக்கு வெளியே பயன்படுத்தப்படுகிறது. இதற்காக கடந்த ஆண்டு ஜப்பான் பிரதமர் சட்டத்திருத்தம் செய்ய முன்வந்த போது மக்கள் பெரும் திரளாக போராட்டத்தில் ஈடுபட்டனர்.

 

பொதுவாக ஓர் ஏகாதிபத்திய நாடு தன் குடிமக்களை எப்படி பயன்படுத்துமோ அப்படித்தான் ஜப்பானும் தன் குடிமக்களை நடத்துகிறது. இதில் அதீதமாக உருவாக்கப்படும் கற்பனைக் கதைகள் முதலாளித்துவ நலன்களைப் பாதுகாப்பதற்காகவே உருவாக்கப்படுகின்றன. இதற்கு ஜப்பான் விதிவிலக்காகிவிட முடியாது.

மின்னூலாக(PDF) தரவிறக்க‌

2 பதில்கள்

  1. தங்களின் அக்கறையுள்ள பதிலால் மிக்க மகிழ்வடைந்தேன். நன்றி தோழர்.

  2. ஜப்பானியர்கள் கடின உழைப்பாளிகள் என்ற கருத்து ஒரு புனைவு.

உங்கள் கருத்தின் மூலம் என்னை மேம்படுத்துங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: