சுவாதியை அறைஞ்சவன் எவண்டா.. .. .. ?

Suwathi-ramkumar

சுவாதி கொலை குறித்து தெரியாதவர்கள் யாரும் தமிழ்நாட்டில் இருக்க முடியாது எனும் அளவுக்கு ஊடகங்கள் மக்களிடம் இந்த படுகொலையை கொண்டு சென்று சேர்த்திருக்கின்றன. பெண்களுக்கு எதிராக எத்தனையோ வன்புணர்வுக் குற்றங்கள், நினைத்துப் பார்க்க முடியாத அளவுக்கு படுகொடூரக் கொலைகள் நடந்திருந்த போதிலும் அவைகளெயெல்லாம் மிகச் சாதாரணமாக எடுத்துக் கொண்டு கடந்த ஊடகங்களும், அரசும் ஒரு நிர்பயாவுக்காக கொதித்தெழுந்தது. எத்தனையோ ஆவணக் கொலைகள் உட்பட கொடூரங்கள் நடந்திருந்தும் கூட அரசின், காவல்துறையின், ஊடகங்களின் அழுத்தத்தில் சுவாதி தமிழ்நாட்டின் நிர்பயாவாக ஆக்கப்பட்டிருக்கிறார்.

 

அந்தப் படுகொலை நிகழ்ந்ததிலிருந்து இன்றுவரை காவல்துறையின் நடவடிக்கைகளில் பல்வேறு ஐயங்கள் இருந்து கொண்டே இருக்கின்றன. அவை தீர்க்கப்படக் கூடாது என்பது மட்டுமல்லாமல் அவை எழுப்பப்பட்டிருக்கவே கூடாது என்பது போல் திட்டமிட்ட அலட்சியத்துடன் காவல்துறையின், ஊடகங்களின் செயல்பாடுகள் இருக்கின்றன.

 

தமிழகத்தில் காவி பயங்கரவாதம் தன் நிகழ்ச்சிநிரலை நடத்த துடித்துக் கொண்டிருக்கிறது என்பதையும் அதற்கு எல்லா வழிகளிலும், எல்லா நிலைகளிலும், எல்லா வாய்ப்புகளிலும் முயற்சித்துக் கொண்டிருக்கிறது; திட்டங்களைத் தீட்டிக் கொண்டிருக்கிறது என்பதை நாம் அறிவோம். சிற்சில போதுகளில் அவை அம்பலப்படுத்தப்பட்டிருக்கின்றன. மாலேகான் தொடங்கி தென்காசி வரை அதற்கு ஏராளமான சான்றுகள் இருக்கின்றன. சுவாதி கொலையிலும் கூட அவ்வாறான சதி மறைந்திருக்கக் கூடுமோ எனும் ஐயம் கொஞ்சம் கொஞ்சமாக வலுப்பெற்றுக் கொண்டே வருகிறது.

 

அரசின் கட்டமைப்பு மக்களுக்கு எதிராக இருக்கிறது. மக்களைக் காப்பதும், மக்களுக்கு சேவை செய்வதும் அதன் நோக்கமல்ல, மக்களை ஆளும் தகுதியை அது இழந்து விட்டது என்பதை தினந்தோறும் நடக்கும் நிகழ்வுகள் நிரூபித்துக் கொண்டே இருக்கின்றன. இதற்கு எதிராக மக்கள் ஒன்று திரள வேண்டும். அரசின் மக்கள் விரோத நடவடிக்கைகளை முறியடிக்க வேண்டும் என்பது அவசியமாகி இருக்கும் இக்கால கட்டத்தில், மக்களின் பக்கமிருந்து எழுந்திருக்கும் புலனாய்வு நடவடிக்கையாக சுவாதி கொலையின் பின்னணியிலிருக்கும் ஐயங்களை கோர்த்துக் காட்டியிருக்கிறது இந்த காணொளிப் பதிவு.

 

அரசின், காவல்துறையின், ஊடகங்களின் செய்திகளை நம்பவே கூடாது என்பது மக்கள் தங்கள் சொந்த அனுபவங்களிலிருந்து வந்தடைந்திருக்கும் முடிவு. அதன் அடுத்த படியாக வந்திருக்கிறது இந்த காணொளிப் பதிவு. அரசின், அரசுத் துறைகளின், ஊடகங்களின் மக்கள் விரோத நடவடிக்கைகள் ஒவ்வொன்றையும் இது போல் மக்களால் கண்காணித்து வெளிப்படுத்த முடியாதா?

 

இந்த கொலையைப் பயன்படுத்தி கடைவீதிகளெங்கும் மக்களின் செலவிலேயே கண்காணிப்பு காமிராக்களை நிருவி மக்களை கண்காணிக்க அரசு திட்டமிடுகிறது. அதற்காகத்தான் சி.சி.டி.வி காமிராக்களை பொருத்தும் படி வணிகர்களை கோருகிறார்கள். இதேவிதமான கணகாணிப்பை நாம் அரசின் மீது செய்ய முடியாதா? பொழுது போக்கவும், கௌரவத்துக்காகவும், இன்னும் பல்வேறு பயன்பாடுகளுக்காகவும் பயன்படுத்தும் திறன்பேசிகளை (ஸ்மார்ட் போன்) இதற்காக நாம் பயன்படுத்த முடியாதா? முடிந்தால், முனைந்தால் அது அதிகாரம் மக்களிடம் வருவதற்கு, அரசை நோக்கி கேள்வி எழுப்பும் விழிப்புணர்வை மக்களிடம் ஏற்படுத்துவதற்கு குறைந்த அளவிலேனும் நிச்சயம் பயன்படும். மக்களை உளவு பார்ப்பதற்கு அரசு பயன்படுத்தும் தொழில்நுட்பங்களை நம்மால் அரசை நோக்கி திருப்பிவிட முடியாதா என்ன?

 

சுவாதி கொலையில் நண்பர் திலீபன் மகேந்திரன் செய்திருக்கும் இந்த முயற்சி, அந்த வகையில் எடுத்து வைத்திருக்கும் முதல் எட்டு. வாழ்த்துகள் திலீபன் மகேந்திரன்.

காணொளியைக் காண

ஒரு பதில்

  1. தோழர் டெரர் பெரியாரிஸ்ட் திலீபன் அவர்களுக்கு நன்றி

உங்கள் கருத்தின் மூலம் என்னை மேம்படுத்துங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: