ஜோக்கர்: நாம் எதற்கு ஆயத்தமாய் இருக்கிறோம்?

jokkar

அண்மையில் மக்களிடம் மிகுந்த வரவேற்பைப் பெற்ற படம் என்றால் அது ஜோக்கர் தான். சமூக வலைத் தளங்கள் எழுதப்பட்ட மதிப்புரைகள், பார்த்தவர்களிடம் கேட்ட கருத்துகள் அனைத்துமே சிறப்பான படம், சமகால அரசியலை படம் பிடித்துக் காட்டும் படம் என்பதாகவே இருந்தன. இவையே, படத்தை பார்க்க வேண்டும் எனும் எண்ணத்தை ஏற்படுத்தியது, கூடவே, ‘வாழ்வது தான் கஷ்டம் என்றால் இப்போது பேலுவதும் கஷ்டமாகி விட்டது’ எனும் அதன் விளம்பர வாசகம். சிறந்த அரசியல் நையாண்டிப் படமாகவே இருக்கிறது. ஆனாலும், அது என்ன பேசுகிறது? சுகிப்பவர்களுக்கு அது எதை கடத்துகிறது? எனும் கேள்வியை எழுப்பினால் .. .. .. ?

முதல் பாதியில் முழுவதும் நடப்பு அரசியல் நிகழ்வுகளை வைத்து கிழித்து தொங்கவிடப்பட்டுள்ள அரசியல் நையாண்டி தோரணங்கள்.

மக்கள் ஜனாதிபதி.

நகைக் கடைக்காரன் புரட்சி பண்ணும் நாட்டில் ஜனாதிபதி புரட்சி பண்ணக் கூடாதா?

ஹெலிகாப்டரை பார்த்து கும்பிடாதிங்க என்று சொன்னா அமைச்சர்களுக்கு புடிக்கல. அரை நாள் உண்ணாவிரதத்துக்கு ஏர்கூலர் வேணுமான்னு கேட்டா எதிர்க்கட்சி தலைவருக்கு புடிக்கல.

சகாயம் பண்ணுங்கள் என்று சொல்லலை. சகாயம் மாதிரி பண்ணுங்கள் என்று தான் சொல்றோம்.

குண்டு வைக்கிறவர்களை எல்லாம் விட்டுடுங்க. உண்டகட்டி வாங்கிட்டு கோயில்ல தூங்குறவன பிடிங்க.

எந்த போலீஸ் ஸ்டேஷன்ல ஆடி காரோ, பி.எம்.டபிள்யூவோ துருப்பிடிச்சு நின்னிருக்கு?

மருந்து மாத்தி கொடுத்ததால கர்ப்பிணி பெண்கள் செத்து போயிட்டாங்க. கர்த்தரும் காப்பாத்தல, நபிகளும் காப்பாத்தல, மாரியாத்தாளும் காப்பாத்தல.

சாராய முதலாளிகளுக்கும், கொலைகாரர்களுக்கும் பாதுகாப்பு கொடுக்குது இந்த மானங்கெட்ட அரசு.

அப்பலோ ஆஸ்பிடலில் தான் பாக்கனும்னா, ஓட்டு ஏன் கவர்மென்டுக்கு போடணும். அப்பலோவுக்கே போட்டுடலாமே.

பெத்தவளையும், கட்டுனவளையும் விக்கிற மாதிரி ஓட்டை விக்கிறாங்க.

நமக்கு தேவையானதை கொடுக்கலைன்னா நாம தானே எடுத்துக்கணும்.

ஓட்டு போடுறதுக்கு மட்டும் நமக்கு உரிமை இருக்கு. அவன் அநியாயம் பண்ணினா டிஸ்மிஸ் பண்றதுக்கு நமக்கு உரிமை இல்லையா?

இன்னும் பலவாறான இது போன்ற வசனங்களை சுகிப்பவர்கள் வெகுவாக ரசிக்கிறார்கள். கை தட்டல் சத்தம் வசனங்களையும் மீறுகிறது. பக்கத்தில் இருந்த ஒருவர் கை தட்டிவிட்டு வலியில் கையை தடவி விட்டுக் கொண்டார். இவைகளையெல்லாம் வெறும் ரசனை என்று மட்டும் எடுத்துக் கொள்ள முடியாது., அவை ஒவ்வொருவரின் அனுபவங்கள். தன் சொந்த வாழ்வில் அரசுக்கு எதிராக, அரசியல்வாதிகளுக்கு எதிராக, அதிகாரிகளுக்கு எதிராக கோபப்படாத யாரும் இங்கு இல்லை என்பதைத்தான் அந்த கை தட்டல்கள் கூறுகின்றன. அந்த வகையில் இந்த திரைப்படத்துக்கான வரவேற்பு என்பது தன் சொந்த வாழ்க்கையின் இயலாமைகளை ஆற்றுப்படுத்தும் ஒரு மாற்றீடு.

ஆனால் இந்த அரசியல் விமர்சனங்கள் திரைக்காட்சியில் வெளிப்படுத்தும் தீர்வுகள் ஒரு திரைப்படம் என்பதையும், அரசியல் நையாண்டித் திரைப்படம் என்பதையும் தாண்டி ஒருவித எரிச்சலை ஏற்படுத்துகின்றன.

பின்னோக்கி நடக்கும் போராட்டம்.

தரையில் நீச்சலடிக்கும் போராட்டம்.

ஆமை விடும் போராட்டம்.

ஆணிப் படுக்கையில் படுக்கும் போராட்டம்.

பாம்புகளுடன் இருக்கும் போராட்டம்.

தவழ்ந்து செல்லும் போராட்டம்.

என்று போராட்டம் என்றாலே அது ஒரு கேலிக்கூத்தான நிகழ்வு என்பது போன்ற பிம்பம் வலிந்து முன்வைக்கப்படுகிறது. இது மனநிலை பிறழ்ந்த ஒருவரின் முடிவு என்று கடந்து செல்வதை விட, அரசின் அதிகாரிகளின், அரசியல்வாதிகளின் ஊழலால் தன் சொந்த வாழ்வின் சோகத்துக்கு பகரமாக அரசுக்கு எதிரான ஜனாதிபதியாக தன்னை பாவித்துக் கொள்ளும் மனப்பிறழ்வான இளைஞனின் செயல்பாடுகள் என்பதே சரியானதாக இருக்க முடியும். ஆனால், யாரால் பாதிக்கப்படுகிறானோ அந்த அரசை, அதிகாரிகளை, அரசியல்வாதிகளை எதிர்த்து நடத்தும் போராட்டங்கள் அவர்களை நெருக்கடிக்கு உள்ளாக்குவதாக இல்லாமல் கேலிக்கூத்தாக அமையும்படி பார்த்துக் கொள்ளப்பட்டிருக்கிறதே. இது தற்செயலாக நிகழ்ந்த ஒன்று தானா?

திரைக்கு வெளியே இவை போன்ற போராட்டங்கள் ஒரு உத்தியாக தொழிற்பட்டுக் கொண்டிருக்கின்றன என்பது இயக்குனருக்குத் தெரியுமா? இவ்வாறான காட்சியமைப்புகள் மக்களை வேடிக்கை பார்க்க வைக்கின்றதே அல்லாது பங்கேற்க வைப்பதில்லை என்பது இயக்குனருக்கு தெரியுமா? அல்லது, இறுதிக் காட்சியில் நாளை ஒரு போராட்டம் இருக்கிறது தோழர், கலந்து கொள்ளுங்கள் என அழைப்பு விடுக்கும் வசனத்தால் வேடிக்கை போராட்டக் காட்சிகளுக்கு நியாயம் செய்யப்பட்டு விட்டது என இயக்குனர் கருதுகிறாரா?

உலகெங்கும் உழைக்கும் மக்களின் போராட்ட உணர்வை மழுங்கடிப்பதற்காகவே என்.ஜி.ஓ க்களின் போராட்டங்கள் கட்டியமைக்கப்படுகின்றன. பிரேசில் தொடங்கி இந்தியா வரை மூன்றாம் உலக நாடுகளில் ஆக்கிரமித்திருக்கின்றன இந்த வகை போராட்டங்கள். ஏகாதிபத்திய நாடுகளின் இரும்புப் பிடிக்குள் சிக்கிக் கிடக்கும் மூன்றாம் உலக நாடுகளின் உழைக்கும் மக்கள் தங்கள் எதிரியை அடையாளம் கண்டுகொள்ள அனுமதிக்கக் கூடாது என்பதற்காகவும், அவர்களின் கோபத்தை திசைமாற்ற வேண்டும் என்பதற்காகவும் நடத்தப்படும் போராட்டங்கள் இவை.

பாதிக்கப்பட்ட மக்களை பாதிப்பை மட்டுமே சொல்லி அணி திரட்டி, மக்களை அரசியல் ரீதியாக விழிப்புணர்வு ஏற்படுத்த எந்த முயற்சியும் செய்யாமல், அரசையோ, அதன் கொள்கைகளையோ அம்பலப்படுத்தாமல், நெருக்குதல் தொடுக்காமல் போராட்டம் எனும் பெயரில், நாடகங்களை அரங்கேற்றி நாட்களைக் கடத்துவதாக மட்டுமே இருக்கும் போராட்டங்கள் இவை.

இதனால் சில பல நாட்கள் போராடி எந்தப் பலனும் ஏற்பட முடியாமல், எந்த இலக்கை நோக்கிப் போராடுகிறோம் எனும் புரிதலும் ஏற்படாமல், இருக்கும் சொற்ப வாழ்வாதாரங்களிலும் இழப்புகளைச் சந்தித்து விரக்தியுற்று போராட்டம் என்றாலே வெருண்டு ஓடும் நிலைக்கு வந்து சேர்கிறார்கள் மக்கள். மக்களை இந்த நிலைக்கு கொண்டு வந்து சேர்க்க வேண்டும் என்பதற்காகத் தான் இவ்வாறான போராட்டங்கள் திட்டமிடப்படுகின்றன. பகாசுர பன்னாட்டு நிருவனங்கள் அனைத்தும் தங்கள் நிதித் திட்டமிடலில் இந்த என்.ஜி.ஓ போராட்டங்களுக்காக பெரும் தொகையை ஒதுக்குகின்றன. உலகெங்கும் நடத்தப்படும் போராட்டங்களில் பல பன்னாட்டு நிதியினால் நடத்தப்படுகின்றன என்பது பலமுறை ஆதாரங்களுடன் அம்பலப்பட்டு இருக்கின்றன.

இது போன்ற ஸ்பான்சர் செய்யப்பட்டு நடக்கும் போராட்டங்களை முட்டுக் கொடுப்பதற்கென்றே அறிவுத்துரையினரும் கூட விலை கொடுத்து களத்தில் இறக்கி விடப்படுகிறார்கள். இன்னும் கூட சில பிரிவினர் இருக்கிறார்கள். இவர்கள் இடதுசாரிகளின் போதாமையால் தான் என்.ஜி.ஓ க்கள் ஏற்படுகிறார்கள் என்று நேர்எதிராக கருத்துகளை வழிய விடுவார்கள். இவ்வாறு பல்முனை திட்டமிடலுடன் நடக்கும், மக்களை வழி கெடுக்கும் இந்த என்.ஜி.ஓ க்களின் போராட்ட வகைகளைத் தான் ஜோக்கர் வழிமொழிகிறது.

மக்களுக்கு அரசியல் விழிப்புணர்வை ஏற்படுத்தும் விதத்தில் ஏதேனும் செய்தால் அதை பிரச்சாரம் என ஒதுக்கித் தள்ளும் அறிவுத்துறையினர், இப்படி திட்டமிட்டு நடக்கும் பிரச்சாரங்களை எல்ல இடங்களிலும் தாங்கிப் பிடிக்கின்றனர். எந்தத் திரைப்படம் மக்களின் வரவேற்பைப் பெற வேண்டும்? எந்தச் செய்தி மக்களிடம் விவாதிக்கப்பட வேண்டும்? எது புறந்தள்ளப்பட வேண்டும்? என்பவைகளை எல்லா இடங்களிலும் நிறைந்திருக்கும் இந்த வகை அறிவுத் துறையினரே தீர்மானிக்கிறார்கள்.

கை தட்டி விட்டு வலியால் கையை தடவிப் பார்த்துக் கொள்ளும் அந்த நடுத்தர வயதுக்காரர் மட்டுமல்ல, இந்தப் படத்தை கண்கள் பனிக்க மகிழ்ச்சிப் பெருக்கோடு ரசிக்கும் மக்களும் இருக்கக் கூடும். அவர்கள் எதை நோக்கிய பயணத்தில் இருந்து, எதை நோக்கிய ஆயத்தத்தில் இருந்து இந்த கை தட்டல்களையும், கண்ணீர் துளிகளையும் செலவு செய்கிறோம் என்பதை மீளாய்வு செய்ய வேண்டும்.

மின்னூலாக(PDF) தரவிறக்க‌

Advertisements

குண்டு வைத்து நாட்டை பிளக்கிறது பாஜக

bjp making bombs

 

பாஜக மக்கள் விரோத அமைப்பு தான். சிறுபான்மையினருக்கு மட்டுமல்ல பெரும்பான்மை உழைக்கும் மக்களுக்கும் விரோதமான அமைப்பு தான் அது என்பதில் கொஞ்சமும் ஐயம் இல்லை. அந்த வகையில் இது பழைய செய்தி தான். ஆனால் அதை ஒரு பாஜக தொண்டர் ஒருவர் கூறுவது தான் இந்த செய்தியில் இருக்கும் முக்கியத்துவம்.

இது காலை மலரில் வந்த செய்தி

 

 

பயங்கரவாதிகளுக்கு குண்டுகளை பாஜக, RSS மூலம் தயாரிக்கின்றது…..

இவர்கள் இவ்வாறு தொடர்ந்து செய்வார்களானால், மோடி ஆரம்பத்தில் செய்த

தேநீர் வியாபாரத்தையே அனைவரும் செய்ய வேண்டிவரும்.

*******சவால்விடும் அபிஷேக் மிஷ்ரா!!! திடுக்கிடும் உண்மைகள்!!!!.

.===============================================

ஆதாரங்களுடன் வெளியிடுகின்றார் பாஜக ஆதரவாளராக இருந்து விலகிய அபிஷேக் மிஷ்ரா…..

.

இதற்கு இவர் வெளியிடும் ஆதாரங்கள் இதோ……

1.கேரளா கன்னூரில் பாஜக தொண்டர் குண்டு தயாரிக்கும்

பொழுது குண்டுவெடித்து இறந்தார்.

ஆதாரம் : IndiaToday.in 20.08.2016

இதற்கு பாஜக கொடுத்த விளக்கம் ; குண்டை அவர் வெடிக்கச் செய்யாமலிருக்க முயன்றபொழுது, அக்குண்டு வெடித்தது. (அண்டப்புழுகு)

.

2.கான்பூரில் குண்டு வெடித்து இருவர் பலி. சம்பவ இடத்தில் குண்டு தயாரிக்க பயன்படுத்தப்படும் இரசாயணபொருள்கள் கண்டுபிடிக்கப்பட்டது.

ஆதாரம்: 24.08.2008. DNA India .

.

3.மத்தியபிரதேசத்திலுள்ள கண்டவா என்ற இடத்தில்

பாஜக தலைவர் ஒருவரின்,தோழரின் வீட்டின் வீட்டின் பின்புறத்தில் 276 ற்கு மேற்பட்ட ஜெலட்டீன் குண்டுகள்

கைப்பற்றப்பட்டது. 

ஆதாரம்: 19.09.2015 Hindustan Times.

.

4.கேரளாவில் குண்டு தயாரிக்க முற்பட்டபொழுது, RSS ஒருவர் 

பயங்கரமான காயங்களுக்கு உள்ளானார். 

ஆதாரம்: 12.09.2014 TwoCircles 

.

5.கன்னூரில் இருவர் குண்டுவெடிப்பில் இறந்தனர். இவர்கள் பாஜக

தொண்டர்கள்.

ஆதாரம்:11.11.2008 The Hindu.

6.ஆயுதங்களை தூக்குங்கள். பஜ்ரங்தாலின் பயங்கரவாதம். 

ஆதாரம்: 15.09.2008. Outlook Magazine.

.

ஒவ்வொரு மூலை முடுக்கிலும் காவல் படைகள், துப்பறியும் படைகள், தடைமுகாம்களென காஷ்மீர்

முழுவதையும் ராணுவம் தனது கட்டுப்பாட்டில் வைத்துக்கொண்டு, பயங்கரவாதிகள் ஸ்கூட்டரில் வந்து

குண்டுவைக்கின்றார்களென்று முழுப்பூசணிக்காயை

சோற்றில் மறைக்கின்றார்கள்.

.

தங்களது தொண்டர்களை ஏவி பயங்கரவாதம் அனைத்தையும் செய்துவிட்டு, காவி ஆட்சியை நிறுவ பாஜக எத்தனித்துக்கொண்டு

முஸ்லிம்கள்மீதும், அவர்களது மசூதிகள்மீதும் பயங்கரவாத முத்திரையிட்டு அவதூறுகளை பரப்புவதன்மூலமாகவும், சாருக்கான் போன்ற நடிகர்கள் மீது தேசத்துரோகிகள் என்ற பட்டத்தை சுமத்தியும், நாட்டில் இனக்கலவரத்தை உண்டுபண்ணி,

தங்களது நலன்களை நிலைநிறுத்த பாஜக முயல்கின்றது.

.

இவர்கள் இவ்வாறு தொடர்ந்து செய்வார்களானால், மோடி ஆரம்பத்தில் செய்த

தேநீர் வியாபாரத்தையே அனைவரும் செய்ய வேண்டிவரும்.

இங்கு கூறப்பட்டவைகளை பொய்யென நிரூபிப்பார்களா???

நான் இவர்களுக்கு சவால் விடுகின்றேன்.

.

பாஜக வினர் இவ்வாறான இழிசெயல்களை செய்யும்பொழுது,

என்னை போன்றவர்கள் கேள்வி கேட்டுக்கொண்டே இருப்பார்கள்.

.

இவ்வாறு ஆதாரங்களை முன்வைத்து ஆவேசத்துடனும், ஆக்ரோஷத்துடனும் துணிச்சலாக, பாஜக ஆதரவாளராக இருந்து

மனம் வெறுத்து விலகிய அபிஷேக் மிஷ்ரா மனம் குமுறுகின்றார்….

 

 

முதல் பதிவு: காலை மலர்

 

அடிமை – பண்ணையடிமை வேறுபாடு என்ன?

தோழர் செங்கொடி,

 ஆண்டான் – அடிமை சமூகத்திற்கும் நிலப்பிரபுத்துவ சமூகத்திற்கும் இடையிலான வேறுபாடுகள் என்ன? அதைப்பற்றி விளக்குமாறு அன்புடன்‍ கேட்டுக்கொள்கிறேன்.

திரு பிரசன்னா கேள்வி பதில் பகுதியிலிருந்து

slavelandi

சமூக மாற்றம் என்பது அடிப்படையில் உற்பத்தி முறை மாறியதன் விளைவாக ஏற்படும் உற்பத்தி சக்திகளின் உறவு மாற்றத்தைக் குறிக்கும். ஆண்டான் அடிமை சமூகத்துக்கும், நிலப்பிரபுத்துவ சமூகத்துக்கும் இடையிலான வேறுபாடுகள் என்றால் அதன் பொருள் அடிமை உற்பத்திமுறையில் இருந்த மக்களின் உறவுநிலைக்கும், நிலப்பிரபுத்துவ உற்பத்தி முறையில் இருந்த மக்களின் உறவு நிலைக்கும் இடையிலான வித்தியாசம் என்று கொள்ளலாம்.

அடிமை முறை காலகட்டத்தில் கால்நடை வளர்பு, வளர்ச்சியடையாத கருவிகளைக் கொண்ட விவசாயம், கைவினைப் பொருட்களின் தொடக்கம் ஆகியவை தொழில்களாக இருந்தன. அடிமைகள் மனிதர்களாகவே மதிக்கப்படவில்லை. கால்நடைகளைப் போன்றே அடிமைகளும் ஆண்டைகளின் சொத்து. தனிப்பட்டு அவர்களுக்கு எந்த உரிமையும் இல்லை. ஆண்டைகளால் அடிமைகளைக் கொல்லவும் முடியும். தொடக்கத்தில் ஆண்டைகளும் உற்பத்தி வேலைகளில் ஈடுபட்டனர். இரும்பின் பயன்பாடு அறியப்பட்டதன் பிறகான அபரிமிதமான உற்பத்தி ஆண்டைகளை உற்பத்தி வேலைகளிலிருந்து விலக்கி வைத்தது. இதனால் உடலுழைப்பு மூளையுழைப்பு வித்தியாசம் தோன்றி உடலுழைப்பு செய்பவர்களை இழிவாக கருதும் போக்கு தொடங்கியது. உணவு மட்டுமே கொடுத்து அடிமைகள் கொடூரமாக சுரண்டப்பட்டதால் உற்பத்தியில் அவர்களுக்கிருந்த ஈடுபாடு குறைந்ததாலும், அடிமைகளின் எழுச்சியாலும் உற்பத்தியில் தேக்க நிலை ஏற்பட்டது.

நிலப்பிரபுத்துவ அல்லது பண்ணையடிமை காலகட்டத்தில் மேம்பட்ட கருவிகலுடனான விவசாயமே பிரதான தொழில். நெசவு உள்ளிட்ட பிற தொழில்களும் இருந்தன. அடிமைகளோடு ஒப்பிடும் போது பண்ணையடிமைகள் ஓரளவு மேம்பட்டிருந்தார்கள். தன்க்கு பிரித்தளிக்கப்பட்ட நிலத்தில் உற்பத்தி செய்து நிலப்பிரபுக்கு விளைச்சலில் குறிப்பிட்ட பங்கை நிலப்பிரபுவுக்கு கொடுப்பதோடு மட்டுமல்லாமல் குறிப்பிட்ட நாளில் நிலப்பிரபுவின் நிலத்திலும் இலவசமாக வேலை செய்ய வேண்டும். பெருமளவு தேவை அடிப்படையிலான உற்பத்தியே செய்யப்பட்டது. சட்டரீதியிலான எல்லா சலுகைகளும் உயர் குடிகளுக்கு மட்டுமே உண்டு. பண்ணையடிமைகளுக்கு எழுத்துரிமை, இடம்பெயரும் உரிமை உள்ளிட்டவை சட்டப்படியே கிடையாது. பண்டமாற்றின் பரிணாம வளர்ச்சியால் உற்பத்தி பலமடங்கு அதிகரித்தது. இதனால் வணிகர் எனும் பிரிவின் செல்வாக்கு வளர்ந்தது. வரம்புக்குட்பட்ட சந்தையே இருந்ததால் உற்பத்தியை சந்தைப்படுத்த முடியாமல் வணிகர்களுக்கும் குறுநில மன்னர்கள், பாளையக்காரர்களுக்கும் இடையிலான முரண்பாடு முற்றியது. இந்த முரண்பாடு உற்பத்தியை பாதித்து தேக்கநிலையை உருவாக்கியது.

பொதுவாக உற்பத்தியை அடிப்படையாகக் கொண்ட சமூகங்களை கவனித்தால் குறிப்பான ஒரேமாதிரியான அம்சங்கள் மீண்டும்  மீண்டும் ஏற்படுவதைக் காணலாம். கருவிகளில் ஏற்படும் மாற்றம், உற்பத்தியை பல மடங்கு அதிகரிக்க வைக்கிறது. அதிகரிக்கும் உற்பத்தியின் பலன் சீராக பகிர்ந்தளிக்கப்படாததால் உற்பத்தி உறவுகளில் முரண்பாடு தோன்றுகிறது. உற்பத்தி உறவுகளில் தோன்றும் முரண்பாடு வளர்ந்து உற்பத்தியில் தேக்கநிலையை ஏற்படுத்துகிறது. இந்த தேக்கநிலையினால் பாதிக்கப்படும் வர்க்கம் ஒரு பலாத்கார புரட்சியினால் உற்பத்தி முறையை மாற்றியமைப்பதன் மூலம் உற்பத்தி உறவில் மாற்றத்தை ஏற்படுத்துகிறது. இது தான் அடுத்த சமூகமாக அமைகிறது. சுருக்கமாக சொன்னால் கருவிகளில் ஏற்படும் மாற்றம் சமூக மாற்றத்தில் சென்று முடிவடைகிறது. மட்டுமல்லாது அடுத்த சமூகத்திற்கான கூறுகள் முந்திய சமூகத்திலேயே தோன்றி வளர்கின்றன.

இந்த வகையில் அடிமை சமூகத்தின் உற்பத்தி முறையில் ஏற்பட்ட தேக்க நிலையால் ஆண்டைக்கும் அடிமைக்குமான உறவில் மாற்றம் ஏற்படுத்தப்பட்டு முன்பை விட அதிக உரிமைகள் கொண்ட பண்ணையடிமை உற்பத்தி முறை தோன்றியது. இதே போல நிலப்பிரபுத்துவ சமூகத்தின் உற்பத்தி முறையில் ஏற்பட்ட தேக்க நிலையால் வணிகர்களுக்கும் உள்ளூர் நிர்வாகத்தை கையில் வைத்திருந்த நிலப்பிரபுக்களுக்கும் இடையிலான உறவில் மாற்றம் ஏற்படுத்தப்பட்டு முதலாளித்துவ உற்பத்தி முறை தோன்றியது. இந்த அடிப்படைகளை கைக் கொண்டால் குறிப்பிட்ட இரண்டு சமூகங்களுக்கிடையிலான வேறுபாடு என்ன என்பதை எளிதாக பார்த்து விடலாம்.

இதனடிப்படையில் ஆண்டான் அடிமை சமூகத்துக்கும், நிலப்பிரபுத்துவ சமூகத்துக்குமான வேறுபாடுகளை தொகுத்தால்,

கருவி மாற்றம் —- ஆண்டான் அடிமைக் காலத்தில் இரும்பின் பயன்பாடு, பண்ணையடிமை காலகட்டத்தில் பண்டமாற்றின் வளர்ச்சி.

இதனால் இரண்டு சமூகங்களிலும் உற்பத்தி கூடுகிறது.

நெருக்கடி —- ஆண்டான் அடிமை காலத்தில் அடிமைகளுக்கு உற்பத்தி அதிகரித்தும் உரிமைகள் எதுவும் கிடைக்காததால் ஆர்வம் குன்றுகிறது. ஆண்டைகளுக்கு ஆர்வம் குன்றிய அடிமைகளை நீர்வாகம் செய்ய அதிக கவனம் தேவைப்படுவதால் நிர்வாகச் செலவு அதிகரிக்கிறது. நிலப்பிரபுத்துவ காலகட்டத்தில் வனிகர்களுக்கு உற்பத்தி அதிகரித்தும் வரம்புக்குட்பட்ட சந்தையை தாண்டிச் செல்ல வேண்டிய நிர்ப்பந்தம் ஏற்படுகிறது. நிலப்பிரபுக்களுக்கோ வணிகர்களை தாண்டிச் செல்ல அனுமதித்தால் தங்களைவிட மேம்பட்டு விடுவார்கள் என்பதால் வணிகர்களை கட்டுப்படுத்தி வைக்க வேண்டிய நிர்ப்பந்தம் ஏற்படுகிறது.

இதனால் இரண்டு சமூகங்களிலும் முரண்பாடு முற்றி உற்பத்தி உறவில் மாற்றம் ஏற்படுகிறது.

உற்பத்தி உறவு மாற்றம் —- ஆண்டான் அடிமை காலத்தில் நிலத்தை பங்கிட்டு அடிமைகளுக்கு கொடுக்கப்பட்டது. நிலப்பிரபுக் காலகட்டத்தில், வரம்புக்குட்பட்ட சந்தை முறை அகற்றப்பட்டது.

முதல் சுரண்டல் வடிவமான அடிமை முறை இன்றுவரை தொடர்ந்து கொண்டிருக்கிறது, வேறு வேறு வடிவங்களில் நிலப்பிரபுத்துவ காலகட்டத்தில் பண்னையடிமை முறையாக, முதலாளித்துவ காலகட்டத்தில் கூலி உழைப்பு முறையாக. ஓவ்வொரு மாற்றத்தின் போதும் முந்திய சமூகத்தைக் காட்டிலும் சீர்திருத்தங்கள் கிடைக்கின்றனவேயன்றி சம உரிமை இன்னும் கிடைக்கவில்லை.

மின்னூலாக(PDF) தரவிறக்க‌

%d bloggers like this: