பேராசிரியர் க. நெடுஞ்செழியன்

பேராசிரியர் க. நெடுஞ்செழியன் அவர்களின் பணி முடிவுக்கு வந்தது.

தஞ்சைத் தமிழ்ப் பல்கலைக் கழகத்தின் பேராசிரியராகவும், தமிழ் இலக்கியத் துறையின் தலைவராகவும் பணியாற்றி  ஓய்வுபெற்ற எழுத்தாளர் க.நெடுஞ்செழியன் இன்று முடிவெய்தியிருக்கிறார்.

திராவிட கழக மேடைகளில் முழங்கி வந்தவர் பேராசிரியர். திருக்குறளுக்கு வலதுசாரி முத்திரையை ஒருவர் (நாகராஜனோ, ராமசாமியோ ஏதோ ஒரு பெயர் வரும் நினைவில் இல்லை) குத்திய போது முதன் முதலில் பொங்கி எழுந்து சினத்துடன் உரையாற்றியதை கேட்ட போது சிலிர்த்துப் போனேன்.

பேராசிரியரின் உரைகளிலிருந்து தான் ஆசீவகம் குறித்து தெரிந்து கொண்டேன். ஆசீவகம் குறித்தும், தமிழ் குறித்தும் பல நூல்களை எழுதியிருக்கிறார்.

வாய்ப்பு கிடைக்கும் போது நேரில் சந்தித்து உரையாட வேண்டும் என எண்ணியிருந்தேன். என் தள்ளிப் போடல்களின் மீது நானே உமிழ்ந்து கொள்கிறேன்.

பேராசிரியரின் நூல்களில்  சில,

1 உலகத் தோற்றமும் தமிழர் கோட்பாடும்

 2 சங்க இலக்கியக் கோட்பாடுகளும் சமய வடிவங்களும்

3சங்ககாலத் தமிழர் சமயம்

4 இந்தியப் பண்பாட்டில் தமிழும் தமிழகமும்

5 தமிழ் இலக்கியத்தில் உலகாய்தம்

6 தமிழர் தருக்கவியல்

7 ஆசிவகம் என்னும் தமிழர் அணுவியம்

8 தமிழர் இயங்கியல்

9 தமிழரின் அடையாளங்கள்

10 சமூக நீதி

11 மரப்பாச்சி

12. தொல்காப்பியம் திருக்குறள் காலமும் கருத்தும்.      

13. சித்தண்ணவாயில்

14. ஆசிவகமும் ஐயனார் வரலாறும்

திருச்சி அருகே படுகை கிராமத்தில் பிறந்த பேராசிரியர். திருச்சி கே.கே. நகரில் வசித்து வந்தார். கடந்த சில நாட்களாக இருந்துவந்த உடல்நிலை குறைவு காரணமாக சென்னை ராஜிவ்காந்தி பொது மருத்துவமனையில் சிகிச்சை பெற்று வந்தவர், சிகிச்சை பலனின்றி, இன்று காலையில் காலமானார்.

பேராசிரியரின் வழி நின்று ஆசீவகத்தை இன்னும் ஆழமாய் எடுத்துச் செல்வோம்.