மார்க்சியத்தின் சாரம் அடையாள அரசியலா?

மகஇக வின் பாடல்கள் என்றால் உள்ளம் துடித்து எழும். பறையின் அதிர்வுகளைப் போல் மனம் அதிர்ந்து சோம்பலை உதறித் தள்ளி வீரெழும். ஆனால், நேற்று அந்த பாடலைக் கேட்ட போது உள்ளம் துணுக்குற்றுப் போனது. முனை மழுங்கி விட்டால் வாட்கள் கரும்புத் தோகை ஆகிவிடுமோ! மூளை மழுங்கி விட்டால் கோவன் கத்தார் ஆகி விடுவாரோ! கடந்த 7ம் தேதி ‘திராவிட மாடலாகும் இந்தியா’ எனும் தலைப்பில் தந்தை பெரியார் திராவிடர் கழகம் நடத்திய பொதுக்கூட்டத்தில் மகஇக நடத்திய … மார்க்சியத்தின் சாரம் அடையாள அரசியலா?-ஐ படிப்பதைத் தொடரவும்.

திமுகவின் திராவிடம் ஆரியமா?

கடந்த ஓராண்டாய் ஆட்சித் தலைமை ஏற்றிருக்கும் திமுக ஒப்பீட்டளவில் அனைத்து மக்களின் ஆதரவையும் பெற்றிருப்பதாக கருதப்பட்டது. ஆனால் அதன் அண்மை நடவடிக்கைகளில் சில கடும் விமர்சனத்தை ஏற்படுத்தி இருக்கின்றன. நேரடியாக அந்தந்த நடவடிக்கைகளுக்கான எதிர்வினைகளை தாண்டி, கடந்த தேர்தலில் திமுகவை ஆதரித்த அனைவரும் இதற்கொரு பதிலை கூறியாக வேண்டும் எனும் அழுத்தமாக சிலர் இந்த விமர்சனங்களை செய்து கொண்டிருக்கிறார்கள். ஆர்.ஏ புரம் ஆக்கிரமிப்பு அகற்றம், பல்லக்கு ஏற தடை பின்பு அனுமதி, ஆம்பூர் மாட்டுக்கறி பிரியாணி தடை, … திமுகவின் திராவிடம் ஆரியமா?-ஐ படிப்பதைத் தொடரவும்.

செவ்வணக்கம் தோழர் சம்மனசு

2012 - 15 காலகட்டத்தில் நான் ராஜபாளையத்தில் இருந்தேன். அதற்கு முன்னர் வெகு சில கூட்டங்களில் தோழர் சம்மனசுவை சந்தித்திருந்தாலும் குறிப்பான அறிமுகம் நான் ராஜபாளையத்தில் இருந்த போது தான் கிடைத்தது. கம்யூனிசம் ஒரு கட்சி மட்டுமல்ல, அது உந்தாற்றல் ஊற்றெடுக்கும் ஓர் உணர்வு என்பதற்கு வாழும் எடுத்துக்காட்டாய் இருந்தவர் தோழர் சம்மனசு. தோழர் சம்மனசையும், தோழர் செல்வத்தையும் பார்க்கும் போது அவ்வளவு வியப்பாக இருக்கும். முதிய வயதிலும், உடல் நிலை இணக்கமாக இல்லாத போதும் அவர்கள் … செவ்வணக்கம் தோழர் சம்மனசு-ஐ படிப்பதைத் தொடரவும்.

மீண்டும் மீண்டும் இந்தி .. .. ஏன்?

நேற்று உள்துறை அமைச்சர் அமித்சா - தான் இந்தியா எனும் பல்தேசிய நாட்டின், பலநூறு மொழி பேசும் மக்களைக் கொண்ட நாட்டின் உள்துறை அமைச்சர் என்பதை மறந்து - “இந்தி பேசாத மாநிலங்கள், தங்களின் இணைப்பு மொழியான ஆங்கிலத்துக்குப் பதிலாக இந்தியை பயன்படுத்த வேண்டும். இந்தியை தேசிய மொழியாக அறிவிக்கும் நேரம் வந்து விட்டது” என்று பேசி இருக்கிறார். அவர் இவ்வாறு பேசக் கூடியவர் தான், ஏற்கனவே பலமுறை இவ்வாறு பேசியிருக்கிறார். அவர் மட்டுமல்லாது, பாஜக அரசங்கத்தின் … மீண்டும் மீண்டும் இந்தி .. .. ஏன்?-ஐ படிப்பதைத் தொடரவும்.

குடியரசு தினத்தை புறக்கணிப்போம்

இந்த தலைப்பைப் பார்த்ததும், குடியரசு தினத்தை ஏற்றுக் கொள்கிறோமா என்றொரு கேள்வி எழுவதை தவிர்க்க முடியாது. அது அரசியல் நிலைப்பாடு சார்ந்தது. பன்னாட்டு ஏகாதிபத்திய நிறுவனங்களின் கட்டாய ஒப்பத்தங்களுக்கு ஏற்பவும், உள்நாட்டு தரகு முதலாளிகள் அல்லது வளர்ந்து வரும் ஏகாதிபத்திய நிறுவனங்களின் வாய்ப்புகளுக்கு ஏற்பவும் மனப்பூர்வமாக உழைக்கும் ஒரு அரசை, இறையாண்மையுள்ள குடியரசு என்று ஏற்க முடியாது. அது ஒருபுறம் இருக்கட்டும். இது மாநில அரசுகளின் உரிமை சார்ந்தது. ஒன்றிய அரசின் அத்துமீறல் சார்ந்தது. எதிர்வரும் ஜனவரி … குடியரசு தினத்தை புறக்கணிப்போம்-ஐ படிப்பதைத் தொடரவும்.

மோடியும் வக்கிர எண்ணமும்

பஞ்சாபில் சட்டமன்றத் தேர்தல் விரைவில் வரவிருக்கிறது. ஏற்கனவே தேனீர் விற்ற பட்டறிவு(!) (அனுபவம் என்பதற்கு ஈடான தமிழ்ச் சொல்) கொண்ட, தேர்தல் காலங்களில் வடை சுடுவதில் வல்லவரான மோடி பஞ்சாப் சென்றிருக்கிறார். பெரோஸ்பூரில் 42,750 கோடிக்கு வடை சுடுவதாக மன்னிக்கவும் 42,750 கோடிக்கு நலத்திட்ட அறிவிப்புகள் செய்வதாக திட்டமிட்டு பொதுக்கூட்ட ஏற்பாடுகள் செய்யப்பட்டிருந்தன. பஞ்சாப் மாநில அரசின் கூற்றுப்படி தில்லியிலிருந்து விமானம் மூலமும் பின்னர் எழுவூர்தி மூலம் பெரோஸ்பூருக்கும் செல்வதாக ஏற்பாடு செய்யப்பட்டிருந்தது. ஆனால் மோசமான வானிலையினால் … மோடியும் வக்கிர எண்ணமும்-ஐ படிப்பதைத் தொடரவும்.

போட்டுடைத்த சத்யபால் மாலிக், ஜெயரஞ்சன்

இவை ஒன்றும் புதிய செய்திகள் அல்ல. சொல்லப் போகும் இரண்டு செய்திகளுமே கிட்டத்தட்ட பொது உண்மைகளைப் போல, அனைவருக்கும் தெரிந்த ரகசியம் போல ஆகிவிட்ட செய்திகள் தாம். என்றாலும் அதற்கு அண்மை சான்றுகள் கிடைக்கும் போது, அதை எடுத்து வைக்கும் போது ஒரு நிறைவு கிடைக்குமே. அந்த நிறைவு (சரியாகச் சொன்னால் எதிர்மறை நிறைவு) இந்தச் செய்திகளிலும் இருக்கிறது. ஆர்.எஸ்.எஸ் ஒரு தீவிரவாத இயக்கம், அதன் அரசியல் பிரிவான பாஜக வும் அந்தப்படியே. அதன் பிரதமரும் அமைச்சரும், … போட்டுடைத்த சத்யபால் மாலிக், ஜெயரஞ்சன்-ஐ படிப்பதைத் தொடரவும்.

அதிகாரத்தில் ஒன்றியம் பராரியாய் மாநிலங்கள்

கடந்த நவம்பர் மாதம் முழுவதும் சென்னையில் கடும் மழை கொட்டியது. குடியிருப்புகளில் பல நாட்களுக்கு மழைநீர் தேங்கி நின்று மக்களை முடக்கியது. சாலைகள் நாசமாகியது தொடங்கி, நீர்வழிப் பாதைகள், வடிகால் பாதைகள் முறையாக செப்பனிடப்படாதது வரை சென்னை தத்தளித்தது. தொடர்ச்சியாக இருந்த அரசுகள் இதில் போதிய கவனம் செலுத்தவில்லை என்பதுடன் உட்கட்டுமானப் பணிகள் என்ற பெயரில் நடந்த ஊழலும் வெளிச்சத்துக்கு வந்தது. இருந்த போதிலும் தற்போது இருக்கும் திமுக அரசு இந்தப் பேரிடரின் போது எவ்வாறு செயல்பட்டது … அதிகாரத்தில் ஒன்றியம் பராரியாய் மாநிலங்கள்-ஐ படிப்பதைத் தொடரவும்.

கல்விக்கான கூட்டமா? கட்டளையா?

இன்று ஒன்றிய கல்வித்துறை அமைச்சர் ரமேஷ் பொக்ரியால் தலைமையில் புதிய கல்விக் கொள்கையை செயல்பாட்டுக்கு கொண்டுவருவது தொடர்பான கூட்டம் நடக்கவிருக்கிறது. இதற்கு, மாநிலங்களின் கல்வித்துறைச் செயலர்கள் அனைவரும் காணொளி வாயிலாக கலந்து கொள்ளுமாறு அழைப்பு விடுக்கப்பட்டிருக்கிறார்கள். ஏன் மாநிலங்களின் கல்வித்துறை செயலர்கள் அழைக்கப்பட்டிருக்கிறார்கள்? மாநிலங்களின் கல்வித்துறை அமைச்சர்கள் அல்லவா அழைக்கப்பட்டிருக்க வேண்டும்? என்றொரு வாதத்தை தமிழ்நாடு முன்வைத்திருக்கிறது. இது சரியான வாதம் தான். செயலர்கள் போதுமென்றால் இந்தக் கூட்டத்தை ஒன்றிய கல்வித்துறை செயலர் தலைமையில் நடத்தி இருக்க … கல்விக்கான கூட்டமா? கட்டளையா?-ஐ படிப்பதைத் தொடரவும்.

கலவர முயற்சியில் காவிக் குரங்குகள்

கோவை டவுண்ஹால் பகுதியில், பாஜக வானதியை ஆதரித்து பேச வருகிறார் யோகி என்பதை சாக்கிட்டு வானரக் கூட்டம் ஒரு வன்முறை வெறியாட்ட முயற்சியில் ஈடுபட்டிருக்கிறது. ஈருருளி (இருசக்கர வண்டி) ஊர்வலம் என்ற பெயரில் அந்த விலங்காண்டிகள், கடைகளை மூடச் சொல்லி அடாவடி செய்ததுடன், கேள்வி எழுப்பியவர்களை தாக்கி, கல்லெறிந்து அச்சமூட்டி இருக்கிறது. பள்ளிவாசல்கள் முன்னின்று வெறிக்கூச்சல் இட்டிருக்கிறது. பள்ளிவாசல்களுக்கு முன்பு சாலையில் அமர்ந்து பேயாட்டம் ஆடியிருக்கிறது. இவை எதுவும் புதிய விதயங்கள் அல்ல. ஏற்கனவே வட மாநிலங்களில் … கலவர முயற்சியில் காவிக் குரங்குகள்-ஐ படிப்பதைத் தொடரவும்.