மாடு என்றால் தீவிரவாதம் அடித்துக் கொன்றால் தக்காளிச் சட்னி

முகநூல் நறுக்குகள் 13-18

a96

நிகழ்வு 1: கடந்த 31/05/2016 அன்று ராஜஸ்தானில் மாடுகளை ஏற்றிச் சென்ற முஸ்லீம் வியாபாரி ஒருவர் ‘பசு பாதுகாப்பு இயக்கம்’ என்ற பெயரில் செயல்படும் ஆர்.எஸ்.எஸ் பாசிஸ்டுகளால் கொடூரமாக தாக்கப்பட்டு லாரியும் தீவைத்துக் கொழுத்தப்பட்டுள்ளது. இவை அனைத்தும் போலீசு ஒருவரின் கண் முன்னாலேயே நடந்துள்ளது.

நிகழ்வு 2: திருச்சிக்கு அருகே கல்லகம் எனும் கிராமத்தில் ஆதிக்க ஜாதி பெண்ணை காதல் திருமணம் செய்த ஒடுக்கப்பட்ட சமூகத்தைச் சேர்ந்த இளையராஜா என்பவர் பெண்ணின் சகோதரர்களால் அடித்துக் கொல்லப்பட்டுள்ளார்.

என்ன நடக்கிறது நாட்டில்? என்று நிச்சயமாக நாம் அதிர்ச்சியடைய முடியாது. ஏனென்றால், இவை முதல் நிகழ்வுகளல்ல.

வட மாநிலங்களில் தொடக்கத்திலிருந்தே இவ்வாறு தான் நிலை இருக்கிறது. என்ன செய்வது என கை சேதப்படவும் முடியாது. ஏனென்றால், இங்கும் அண்மையில் நடந்த தேர்தலில் 2.8 விழுக்காடு ஓட்டு வாங்கியிருக்கிறது பாஜக.

அய்யோ! என்று பரிதாபப்படவோ,

அக்கிரமம்! என்று குரல் கொடுத்து ஓய்ந்து விடவோ இது நேரமல்ல.

முஸ்லீம்களே! மதத்தில் ஒடுங்கி நின்று இதை எதிர்த்து முறியடிக்க முடியும் என நம்புகிறீர்களா?

சமூக அக்கரையாளர்களே! மெய்நிகர் உலகில் இரண்டு கருத்து போடுவதன் மூலம் உங்கள் சமூகக் கடமை தீர்ந்து விடுமா?

இது கை கோர்க்கும் நேரம். ஒடுக்கப்பட்டோர், சிறுபான்மையினர், மக்கள் நலம் விரும்பிகள், கம்யூனிஸ்டுகள் என அனைவரும் ஒன்றாய் கை கோர்த்து எதிர்த்து முறியடிக்க வேண்டிய நேரம்.

இன்று மாடு என்றால் நாளை வேறு எதுவோ ஒன்று. இன்று காதல் திருமணம் என்றால் நாளை வேறு எதுவோ ஒன்று.

கொல்லப்படுவது வரை அமைதியாகத் தான் இருக்கப் போகிறோமா?

*****************************************

பீகாரில் நிதீஷ் குமார் முதல் கையெழுத்து பூரண மது விலக்கு.

தமிழ்நாட்டில் ஜெயா முதல் கையெழுத்து 100 யூனிட் மின்சாரம் இலவசம்.

அஸ்ஸாமில் சோனோவால் முதல் கையெழுத்து சாமியார் ராம் தேவுக்கு 3800 ஹெக்டேர் நிலம் இலவசம்.

எங்கள் நிலத்தில் எங்களை வாழ விடுங்கள் என பழங்குடிகள் கேட்டால் தோட்டாக்களின் இசையோடு ‘பசுமை வேட்டை’ சொல்லித்தரும் அதே பாசிச கும்பல் தான் இந்த பொம்பள பொறுக்கி சாமியார் பயல் நடத்தும் லேகிய விற்பனைக்கு 3800 ஹெக்டேர் நிலம் இலவசமாக கொடுக்கிறார்கள்.

இந்த அயோக்கியத் தனங்களை எது வரை வேடிக்கை பார்த்துக் கொண்டிருப்பது .. .. .. ?

*****************************************

மல்லையா மீது தீவிர நடவடிக்கை எடுக்கப்படும் என்றார்களே அதன் பொருள் இது தானா?

ஒன்பதாயிரம் ரூபாய் கடன் வாங்கி ஏப்பம் விட்டுவிட்டு மல்லையா ஹாயாக லண்டனில் ‘குடியும்’ ‘குடித்தன’முமாக இருக்கிறார். அவரும் அவரை மாதிரி கார்ப்பரேட் பெருச்சாளிகளும் திருப்பிச் செலுத்தும் எண்ணத்தில் கடன் வாங்குவதில்லை என்பது ஊருக்கே தெரியும். ஆனால், வங்கி அதிகாரிகளுக்கு தெரியாது. அவர் ஓடிப் போயிட்டார்ன்னு தெரிஞ்சதும் அவரை ராஜ்யசபா உறுப்பினர் பதவியிலிருந்து தூக்கி எரிந்திருக்க வேண்டும். இந்த துப்புக் கெட்ட அரசு அவராகவே ராஜினாமா செய்யும் வரை இளித்துக் கொண்டிருந்தது. இப்போ அவர் லண்டனில் இருந்து எனக்கு குண்டி கழுவ அரசு செலவில் ஆள் ஏற்பாடு செய்து தந்தால் தான் தன்னால் இந்தியா திரும்ப முடியும் என்று பேட்டியளிக்கிறார். இந்த மானம் கெட்டவங்க அதை பரிசீலிக்கவும் கூடும்.

ஆனா, இந்த அதிகாரிகள் என்கிற சூரப் புலிகள் இருக்காங்களே, அடேங்கப்பா இவங்க எவ்வளோ பெரிய அப்பாடக்கருங்க தெரியுமா? உத்திரப் பிரதேசத்துல மன்மோகன் சிங் என்கிற விவசாயி மல்லையாவுக்கு சூரிட்டி கொடுத்தாரம் அதனால் அவரோட வங்கிக் கணக்க முடக்கினாங்களாம். பாவம் அவரு, மல்லையா இனிப்பா புளிப்பான்னே எனக்கு தெரியாது அப்டீங்கிறாரு.

ஏண்டா .. .. நொண்ணைங்களா .. .. .. வாயில ஏதாவது வந்துறப் போவுது.

*****************************************

இருக்குது ஆனா இல்லை: பாசிசங்களின் காமெடி

செய்தி: உஜ்ஜயினி கும்பமேளாவில் தலைமை பதவிக்காக சாதுக்கள் துப்பாக்கிகளுடன் மோதல்: 14 பேர் படுகாயம்.

குண்டு வெடிப்பு குற்றவாளிகளான சாது(!)க்கள் விடுதலை – தேசத்தின் கூட்டு மனசாட்சி அவர்களின் விடுதலையை விரும்பியது.

துப்பாக்கியோடு மோதும் சாது(!)க்கள் மீது வழக்கே இல்லை – நீதிபதிகளின் கூட்டு மனசாட்சிக்கு பிடிக்காத ஒரே வார்த்தை.

பல்லாண்டுகளாக சிறையில் வாடும் அப்பாவி முஸ்லீம்கள் – ஐயோ தீ.. .. ..

இருங்கடா .. .. .. எங்க கூட்டு மனசாட்சியை காட்டுறோம்.

*****************************************

இந்தியாவுக்கு இறையாண்மை, நேபாளம் என்றால் தக்காளி சட்னியா?

செய்தி: நேபாள அரசியலமைப்பு சட்டம் குறித்து இந்தியாவும் ஐரோப்பிய யூனியனும் ஓர் ஒப்பந்தத்தில் கையெழுத்திட்டிருக்கின்றன.

காஷ்மீரிலும், வட கிழக்கு மாநிலங்களிலும் இந்திய இராணுவம் என்ன செய்து கொண்டிருக்கிறது என்று கேள்வி எழுப்பினாலே ஆர்.எஸ்.எஸ், பி.ஜே.பி. டேஷ் புக்காக்கள் (தேச பக்தர்கள் என்று சொல்லிக் கொள்கிறார்கள்) ஆத்திரம் பொங்கி பாகிஸ்தானுக்கு போ என்று பத்வா கொடுக்கிறார்கள்.

நேபாள மாவோயிஸ்டுகளை இராணுவத்தில் சேர்த்துக் கொள்ள வேண்டும் எனும் நிபந்தனையின் பேரில் மன்னரை விலக்கி ஏற்படுத்திய அரசில் அவர்களை இராணுவத்தில் சேர்க்க விடாமல் அகங்காரமாக மூக்கை நுழைத்தது இந்தியா.

இனி நேபாளம் இந்து நாடல்ல என அறிவித்த போது அதற்கு எதிராக பல முட்டுக்கட்டைகள் போட்டு நைச்சியமாக மூக்கை நுழைத்தது இந்தியா.

நேபாளத்தில் நிலநடுக்கம் ஏற்பட்ட போது உதவுகிறேன் என்று கேமிராக்கள் மூலம் அசிங்கமாக தன் மூக்குச் சளியை ஓடவிட்டு அம்பலப்பட்டு நாறியது இந்தியா.

இன்று நேபாளத்தில் அரசியல் அமைப்புச் சட்டத்தில் விடுபட்ட பிரச்சனைகளை தீர்க்க முயற்சிப்போம் என்று இந்தியாவும் ஐரோப்பிய யூனியனும் ஒப்பந்தத்தில் கையெழுத்திட்டிருக்கிறன.

எங்க நாட்டின் பிரச்சனைகளுக்குள் மூக்கை நுழைப்பதற்கு நீங்கள் யாருடா? என்று நேபாளிகள் கேட்கிறார்கள்.

எங்கப்பா அந்த டேஷ் புக்கா குஞ்சாமணிகள்?

என்னடா உங்க பதில்?

*****************************************

மதத்தை விட வர்க்கமே மேலானது – சௌதி அரசு அறிவிப்பு.

செய்தி: சௌதியில் மதக் காவலர்களுக்கு கட்டுப்பாடு

சௌதியில் அண்மையில் நடைபெற்றுவரும் மாற்றங்கள் மத வியாபாரிகளுக்கு உவப்பானதாக இல்லை. தமிழ் இணையப் பரப்பில் ‘இஸ்லாமிய புல்லரிப்பு’களைச் செய்து வரும் எந்தப் பதிவரும் தாயிப் நகரில் நூற்றுக் கணக்கான குரான்கள் சாக்கடையில் வீசப்பட்டுக் கிடந்ததற்கு இதுவரை விளக்கம் கூறியதில்லை. மக்களிடமிருந்து வரும் இது போன்ற குறியீடுகளுக்கு மதவியாபாரிகளால் பதில் கூற முடியாது என்பது ஒரு புறமிருந்தாலும், இஸ்லாம் பிறந்த இடம் இஸ்லாமியர்களுக்கு உவப்பான கொள்கைகளை மட்டுமே செயல்படுத்தும் என கூறமுடியாதல்லவா? மதம் மதம் தான் வர்க்கம் வர்க்கம் தான்.

அண்மையில், குஜராத்தில் முஸ்லீம்களை வேட்டையாடிய மோடிக்கு சௌதியின் உயரிய விருது வழங்கப்பட்டது. இப்போது முத்தவ்வாக்களுக்கு (மத போலீஸ்) கட்டுப்பாடு கொண்டு வரப்பட்டிருக்கிறது. இவைகள் மதம் எனும் அடிப்படையிலிருந்து கொண்டுவரப்பட்டவைகள் அல்ல என்பது வெளிப்படையானது தான். ஆனால் தன்னை மதக் காவலராக முன்னிருத்திக் கொள்ளும் ஒரு அரசு ஏன் இதைச் செய்ய வேண்டும்?

ஏற்கனவே தம்மாம் அராம்கோவில் (பல பத்தாண்டுகளுக்கு முன்பிலிருந்தே செயல்பட்டுக் கொண்டிருக்கும் சௌதியின் சிறப்பு பொருளாதார மண்டலம்) புர்கா அணியாமல் சென்ற அமெரிக்க பெண்கள் மீது நடவடிக்கை எடுத்தார்கள் என்பதற்காக சில முத்தவாக்களை சிறையில் தள்ளியது சௌதி அரசு. என்றாலும் பிற பொது இடங்களில் இது போன்ற கட்டுப்பாடுகளால் உழைக்கும் மக்கள் துன்பட்டே வந்தார்கள். ஆனால், மானிய வெட்டு உள்ளிட்ட பல நடவடிக்கைகளுக்கு பிறகு சௌதிகள் அதிக அளவில் வேலை செய்ய பொது இடங்களில் தாரளமாக புழங்க வேண்டியதாகிறது. தவிரவும் பன்னாட்டளவில் ஒப்பந்தங்களும் திட்டங்களும் சௌதிக்குள் தாராளமாக அனுமதிக்கப்பட்டிருப்பதால் அவர்களுக்காக இது போன்ற மத கட்டுப்பொட்டித் தனங்களை கொஞ்சம் கொஞ்சமாகவேனும் தளர்த்த வேண்டிய கட்டாயம் நேரிடுகிறது.

ஏகாதிபத்திய நோக்கங்களுக்காக என்றாலும், மதத்தை விட வர்க்கம் முக்கியமானது என்பதை உணர்த்தியதற்காக இதை வரவேற்கலாம். மட்டுமல்லாது, இந்தியாவில் அரசியல் வியாபாரிகள் கொடுக்கும் தேர்தல் வாக்குறுதிகள் போலியானவை என்பது மக்கள் மத்தியில் எவ்வாறு அம்பலப்பட்டிருக்கிறதோ அதுபோல சௌதி ஆட்சியாளர்களின் மதப்பற்றும் போலியானவை தான் என்பதை சௌதி மக்களை உணரச் செய்யும் நடவடிக்கை என்பதாலும் இதை வரவேற்கலாம்.

Advertisements

விவசாயி, மாநில உரிமை, சாய்பால் ஜானா எல்லாமே நாய்ச் சங்கிலி தான் இந்தியாவுக்கு

jaspal rana arrest

முகநூல் நறுக்குகள் 7-12

 

செய்தி:

கிரானைட் கொள்ளை வழக்குகள் இரண்டில் இருந்து பி.ஆர்.பழனிச்சாமி, அவருடைய மகன் ஆகியோரை மேலூர் கோர்ட்டு விடுவித்தது உத்தரவிட்டுள்ளது. மட்டுமல்லாது, அரசு அனுமதி பெற்று ஐ.ஏ.எஸ். அதிகாரி அன்சுல்மிஸ்ரா மீது நடவடிக்கை எடுக்கவும் கோர்ட்டு உத்தரவிட்டு் தீர்ப்பளித்துள்ளது.

இம்சை அரசன் 24ம் புலிகேசி: யாரங்கே துப்புகிற துப்பலில் நீதி மன்றங்கள் மூழ்கி தத்தளிக்க வேண்டாமா? .. .. .. ம்ம்ம்.. .. .. கிளப்புங்கள்.

மேலூர் குற்றவியல் நடுவர் நீதிமன்ற நீதிபதி மகேந்திரபூபதி தீர்ப்பை வாசிக்கும் கேட்பொலி: http://vocaroo.com/i/s0BfgiYNPdJt

*********************************************

இம் என்றால் சிறைவாசம், ஏன் என்றால் வனவாசம்.

அன்றைய வெள்ளை ஆட்சியில் மட்டுமல்ல, இன்றும் அது தான் நடக்கிறது.

டாஸ்மாக்கிற்கு எதிரான மாநாடு நடந்து ஒன்றரை மாதங்கள் ஆகிறது. அதில் அரசுக்கு எதிராக பேசியதாக இப்போது வழக்குப் பதிவு.

யாருப்பா அங்கே! ஆகஸ்டு 14ல் சுதந்திர தினம் என்று மிட்டாய் கொடுத்தவங்க எல்லாம் வரிசையில வாங்க.. .. ..

************************************************

பாரத் மாத்தாக்கி ஜொய்யா! மக்களுக்காக பாடுபடுபவன் நாயா?

சட்டிஸ்கரில் சுரங்கத் தொழிலாளர்கள் அளிக்கும் நன்கொடையைக் கொண்டும் கடந்த முப்பது ஆண்டுகளுக்கும் மேலாக இயங்கி வரும் இலவச மருத்துவமனையை சேர்ந்த மக்கள் மருத்துவர் சாய்பால் ஜானா அவர்களை கைது செய்திருக்கிறது பாசிச பாஜக அரசு.

பல்வேறு அரசு குழுக்களிலும், சுகாதாரம் தொடர்பான கமிட்டிகளிலும் பங்கெடுத்துள்ள மருத்துவரான இவரை, எப்போதும் மருத்துவமனையிலேயே இருந்து, மக்களுக்கு தேவையான அனைத்து மருத்துவம் சார்ந்த தேவைகளையும் கவனித்துக் கொண்டிருந்த மருத்துவரான இவரை கடந்த 25 ஆண்டுகளாக தலைமறைவாக வாழ்பவர் என்று புளுகுகிறது பாசிச பாஜக அரசு.

1992ல் பிலாய் தொழிலாளர் போராட்டத்தின் போது போலீசு துப்பாக்கி சூட்டில் 18 பேர் கொல்லப்பட்டார்கள். இதில் காயம்பட்டவர்களுக்கு மருத்துவ சிக்கிச்சையளித்தார் என்பது தான் இவர் மீது சுமத்தப்பட்டுள்ள குற்றச்சாட்டு. இந்த நகைப்புக்கிடமான வழக்கில் தான் 25 ஆண்டுகளாக தலைமறைவாக இருந்தாராம்.

கட்டெறும்பு கத்தியெடுத்து குத்துச்சுன்னு சொன்னாலும் மக்கள் நம்புவாங்க ன்னு போலீசு நினைக்குது.

பன்னாட்டு கார்ப்பரேட்டுகள், அதானிக்கு சட்டிஸ்கரில் இருக்கும் கனிம வளங்களை கொள்ளையடிக்க தாராளமாக அனுமதிக்க வேண்டும். அதற்கு எதிராக இருக்கும் தொழிலாளர்கள், பழங்குடியினர், அறிவுத்துறையினர் ஆகியோரை எந்த வழியிலேனும் அப்புறப்படுத்த வேண்டும். இது தான் அரசின் திட்டம். இதற்கு எதிராக இருக்கும் யாரும் வளர்ச்சியின் விரோதிகள் என்கிறார் மோடி.

இந்த அடிப்படையில் தான் மருத்துவர் பினாயக் சென் கைது செய்யப்பட்டார், பழங்குடி செயற்பாட்டாளர் சோனி சோரி மீது ஆசிட் தாக்குதல் நடத்தப்பட்டது. செய்தியாளர்கள் சோமுரு நாக், சந்தோஷ் ஆகியோர் சித்திரவதை செய்யப்பட்டனர். பத்திரிக்கையாளர் மாலினி சுப்பிரமணியம் வீட்டின் மீது தாக்குதல் நடத்தி, தொடர்ச்சியாக மிரட்டல்கள் கொடுத்து சட்டீஸ்கரை விட்டு வெளியேற்றப்பட்டார். இதன் தொடர்ச்சியாகத் தான் மருத்துவர் சாய் பால் ஜானாவும் கைது செய்யப்பட்டிருக்கிறார்.

கைது செய்த அவரை ஒரு நாயைப் போல் சங்கிலியால் கட்டி இழுத்துச் சென்றிருக்கிறார்கள். மெய்யான சுதந்திரப் போர் எவ்வளவு அவசரமாக இருக்கிறது என்பதைத் தான் இவை உணர்த்துகின்றன.

******************************************************

இப்படி ஒரு செய்தி உலவுகிறதே உண்மையா?

இந்து திருமண சட்டத்தில் திருத்தம். காதல் திருமணம் அதாவது பதிவுத் திருமணம் செய்யும் போது கண்டிப்பாக பெற்றோர் ஒப்புதல் வேண்டும். குறிப்பாக மணப் பெண்ணின் தாயார் ஒப்புதல் மிக அவசியம். 30 நாட்களுக்குள் பெற்றோரின் ஒப்புதல் தெரிவிக்கப்படாவிட்டால் பதிவுத் திருமணம் செல்லாததாகி விடும்.

இப்படி ஒரு செய்தி உலவுகிறதே உண்மையா?

கலப்பு மணத்துக்கு அங்கீகாரம் கொடுத்து சட்டம் இயற்றப்பட்டிருக்கும் தமிழ் நாட்டில் அந்த அங்கீகாரத்தை அடித்து நொருக்குகிறது இந்தத் திருத்தம்.

அண்மையில் உடுமலைப் பேட்டை சங்கர் கொலையில் துள்ளத்துடிக்க நடுரோட்டில் வெட்டிக் கொன்ற தேவர் சாதிவெறிக்கு ஆதரவாக நின்று இந்த திருத்தம் செய்யப்பட்டிருக்கிறதா? அரிவாளைத் தூக்கி நீங்கள் சட்டத்துக்குள் மாட்டிக் கொள்ள வேண்டாம். நான் சட்டத்தையே மாற்றி விடுகிறேன் எனும் ஆணவமா?

அதுசரி, தேர்தல் காலத்தில், சட்டமன்றம் கூடாத நிலையில் இவ்வாறான சட்டத் திருத்தம் செய்ய முடியுமா?

*****************************************************

மாநிலங்கள் எல்லாம் சும்மா! இனி இந்தியா மட்டும் தான் ஆமா!

மாநில உரிமைகள் குறித்து பேசுவதை மாநிலக் கட்சிகள் கைகழுவி நாட்களாகின்றன. மாநில உரிமைகளுக்கான போராட்டம் என்பதெல்லாம் தற்போது தேர்தல் வர்த்தமானங்களை முன் வைத்து கடிதம் எழுதுவதுடன் நின்று போய் விட்டது.

ஆதார் அட்டைக்கான முன்னெடுப்பை மத்திய அரசு உச்ச நீதி மன்ற வழி காட்டுதலையும் மீறி மக்களிடம் திணிக்க முயன்ற போது எந்த மாநில அரசுகளும் இது குறித்து கவலை தெரிவிக்கவோ தடுக்கவோ முன்வரவில்லை. மாறாக, ஒத்துழைத்தன.

பலமுறை முயன்றும் முடியாமல் போன ஆதார் அட்டைக்கான மசோதாவை பண மசோதாவாக தாக்கல் செய்து நிறைவேற்றவும் செய்திருக்கிறது பாசிச பி.ஜே.பி அரசு.

இந்த நிலையில் தான் பி.ஜே.பி அரசிடமிருந்து ஒரு அறிவிப்பு வந்திருக்கிறது. ரேசன் கார்டுகள் இனி ஆவணமாக ஏற்றுக் கொள்ளப்படாது என்பது தான் அந்த அறிவிப்பு. அதாவது, ரேசன் கார்டு என்பது தனி நபர் அடையாள ஆவணமாகவும், வசிப்பிட ஆவணமாகவும் கோடிக்கணக்கான ஏழை மக்களால் பயன்படுத்தப்பட்டு வருகிறது. இனி அவ்வாறு பயன்படுத்த முடியாது. தெளிவாகச் சொன்னால், ஆதார் அட்டை இல்லையென்றால் இனி இந்தியனாக மதிக்கப்பட மாட்டாய் இதன் பொருள்.

ஆதார் அட்டை ஏன் கொண்டு வரப்படுகிறது? யாருக்காக கொண்டு வரப்படுகிறது? அதன் விளைவுகள் சமூகத்தில் எந்த அளவுக்கு பாதிப்புக்கு உள்ளாக்கும்? என்பது குறித்தெல்லாம் சமூகத்தின் மீது அக்கரை கொண்ட பலரும் பேசியும் எழுதியியும் முடித்து விட்டார்கள்.

ஏற்கனவே ‘உங்கள் காசு உங்கள் கையில்’ எனும் சர்க்கரை தடவிய திட்டத்தின் மூலம் ரேசன் கடைகளுக்கு சவக்குழி வெட்டப்பட்டு தயாராக இருக்கிறது. இப்போது ரேசன் கார்டுகளை வெறும் அட்டையாக மாற்றும் அறிவிப்பும் வந்து விட்டது.

பாரத் மாத்தாக்கு ஜொய்ய்ய்ங் ன்னு சொல்லாதவங்க இந்தியாவில் இருக்க முடியாதுண்ணு குரங்குகள் கும்பி கருகி கத்திக் கொண்டிருக்கின்றன. அப்புறம் என்ன? ஆதார் அட்டை இல்லாதவங்க பாகிஸ்தானுக்கொ, சீனாவுக்கோ போங்க ன்னு சொல்ல வேண்டியது தான் பாக்கி.

இதையும் செய்தியாகத்தான் கடந்து போகப் போகிறோமா?

***************************************************

விவசாயி தாக்கப்பட்டதில் ஊடகங்களுக்கு பங்கில்லையா?

அண்மையில் டிரக்கடருக்காக வங்கிக் கடன் பெற்ற விவசாயி இரண்டு தவணையை திருப்பிக் கட்டாததால் போலீசாலும் அந்த தனியார் வங்கி ஊழிகர்களாலும் கடுமையாக தாக்கப்பட்டார். மட்டுமல்லாது டிராக்டரும் பறிமுதல் செய்யப்பட்டது. இதை மல்லையாவுடன் ஒப்பிட்டு அனைவரும் கண்டித்தனர். இதில் கவனிக்காமல் விடப்பட்ட ஒரு விசயம் “ஒரு தனியார் வங்கி” என்பது.

அச்சு ஊடகங்களானாலும், காட்சி ஊடகங்களானாலும் அதை ஏதோ ஒரு தனியார் வங்கி என்று தான் குறிப்பிட்டனவே தவிர கோடக் மஹிந்திரா எனும் தனியார் வங்கி என அதன் பெயரைக் குறிப்பிட்டு எழுதவோ, காட்சிப் படுத்தவோ இல்லை. ஏன்? காசு கொடுத்தால் எதையும் செய்ய ஆயத்தமாக இருப்பவர்களுக்கு சமூகத்தில் வேறு பெயர் உண்டு. நான்காவது தூண் நாற்பதாவது தூண் என்று பெயர் வைத்துக் கொண்டு, கொஞ்சம் கூட அறிவு நாணயம் இல்லாமல், அது அப்பட்டமாக அம்பலப்பட்டிருக்கும் இன்றைய நிலையிலும் அதைப் பற்றி கவலைப் படாமல் இளித்துக் கொண்டிருக்கும் இந்த நாளிதழ்களை இனியும் காசு கொடுத்து வாங்கி படிக்கத்தான் வேண்டுமா?

மின்னூலாக(PDF) தரவிறக்க‌

மல்லையாவும், ஆர்.எஸ்.எஸ் பாசிஸ்டுகளும், ரிலையன்ஸ் ராணுவமும் 251 ரூபாய் போனுக்கு ஈடாகுமா?

அன்பார்ந்த நண்பர்களே! தோழர்களே!

 

நான் முகநூலில் அதிகம் உலவுவனல்லன். அதன் விருப்பக் கணக்குகளிலும், பகிர்வு எண்ணிக்கைகளிலும் சிக்கிக் கொள்பவனல்லன். காரணம், முகநூல் போன்ற சமூக அரட்டை ஊடகங்கள் நம் பெரும்பகுதி நேரத்தை விழுங்கும் பெரும்பசியை அடிப்படையாக கொண்டு உருவாக்கப்பட்டிருக்கின்றன என்றும், அது நம் சமூக உணர்வுகளை வரம்பிட்டு மழுங்கடிக்கும் உத்தியை நோக்கமாக கொண்டு உருவாக்கப்பட்டிருகின்றன என்றும் நான் ஏற்றிருப்பதால் தான் முகநூலில் அதிக நேரத்தை செலவிடுவதில்லை. ஆனாலும் வெகு சில போதுகளில் சில குறு விவாதங்களில் பங்கெடுத்திருக்கிறேன். இவைதவிர நான் எழுதும் பதிவுகளை அறிமுகப்படுத்தும் நோக்கில் மட்டுமே சமூகத் தளங்களை பயன்படுத்தியிருக்கிறேன். அண்மையில் பலரின் முகநூல் கணக்குகளை அதன் புனை பெயர் காரணமாக முடக்கப்பட்டும் அல்லது ஆவணங்களைக் காட்டி இயற்பெயரில் பதிவிடுமாறும் முகநூல் நிர்வாகம் வற்புறுத்தியது. இவ்வாறான ஒருநிலை எனக்கு ஏற்பட்டால் முகநூல் கணக்கிலிருந்து விலகி விடுவது என முடிவெடுத்திருந்தேன். அப்படியான நிலையில், பழைய பதிவுகளை, அதாவது முகநூலில் மட்டுமே இட்டிருக்கும் பதிவுகளை ஆவணப்படுத்துவது என எண்ணி தேடினால் முகநூலில் அதற்கு எளிய தேடும் வழி இருப்பதாக தெரியவில்லை. எனவே, அப்படியான ஒரு முடக்கத்தை சந்திக்கும் முன்னர் இயன்றவரை பதிவிட்டு விடுவது என்ற எண்ணத்திலும், பெரும்பாலான சமூக நடப்புகளுக்கு ஏற்ற எதிர்வினையை கட்டுரைகள் வடிவில் நான் செய்வதில்லை வெகு சொற்பமான அளவில் மட்டுமே செய்கிறேன் என்பதாலும் இப்படி ஒரு ஏற்பாட்டை தொடங்கியுள்ளேன். ஆதாவது மாதம் ஒருமுறை அந்த மாதத்தில் முகநூலில் பதிவுடும் குறுந்தகவல்களை முகநூல் நறுக்குகள்என்ற பெயரில் தொகுத்துக் கொடுப்பது எனும் எண்ணத்தின் விளைவே இப்பகுதி. இது குறித்த உங்களின் ஆலோசனைகளும், விமர்சனங்களும் வரவேற்கப் படுகின்றன.

முகநூல் நறுக்குகள் 1-6

*****************************************************

இந்தப் படத்துக்கு வசனம் தேவையில்லை என்று முன்பெல்லாம் நாளிதழ்களில் சிரிப்புப் படம் போடுவார்கள். அதேபோல இந்த வசனத்துக்கு விளக்கம் தேவையில்லை என்று போட்டு விடலாம். அந்த அளவுக்கு இது ஊடகங்களை செவிட்டில் அறைகிறது.

 

என்னிடம் பெற்ற உதவிகளை மறந்துவிடாதீர்கள்; அவை ஆவணபடுத்தப்பட்டிருக்கின்றன

 

ஊடகங்களின் முகத்திரையை கிழிக்கும் மல்லையா.

****************************************************

எனக்கு ஒண்ணு புரியவே மாட்டேங்குதுங்க.. ..

 

விசயகாந்து பொது இடத்துல தூ.. .. ன்னு துப்பினா [அது சரியான விமர்சனம் என்பது ஒரு பக்கம் இருந்தாலும்]

அதை பெரிய பிரச்சனையாக்குனாங்க. கட்சிக்காரவுங்கள அடிச்சாரு, திட்டினாரு, நாக்க துருத்தினாருன்னு .. .. .. அவருக்கு ஒரு பைத்தியக்கார பிம்பத்தை திறமையா ஒட்ட வச்சுட்டாங்க.

 

ஆனா நம்ம சீமான் அண்ணாச்சி நேத்து பேரா. அருணனை லூசுன்னு கைய நீட்டி ஏக வசனத்துல திட்டினாரு. ஏற்கனவே, அவரு போன்ல பீப் ல்லாம் பேசிருக்காரு.

 

ஆனா, விசயகாந்து மாதிரி பட்டம் கொடுக்கலாம்னு பாத்தா.. .. தம்பிமார்கள்லாம் ரெம்ப சூடா இருக்காங்களே ஏன்?

 

என்ன இருந்தாலும், ..கூ வை விட ஓட்டு கூட வாங்கலைன்னா கட்சிய கலைச்சிடுவேன்னு சவால் விட்டாரு பாருங்க .. .. அங்க நிக்குறாருங்க நம்ம சீமான்.

 

நமக்கு சந்தோசம் தாங்க .. தேர்தலுக்கு பின்னால ஒரு கட்சி முழுசா காணாம போகப் போகுதுண்ணு உறுதியா தெரிஞ்சப்புறமும் சந்தோசப்படாம இருக்க முடியுங்களா?

******************************************************

பெரியாரிய செயல்பாட்டாளரான தமிழச்சியின் மீது ததஜ வினரின் அராஜக ஆபாச வசைபாடல்கள் வக்கிரமானவை. கடைந்தெடுத்த ஆணாதிக்க பொறுக்கிகளின் மொழியாடல். ஆர்.எஸ்.எஸ் வானரங்களைப் போலவே இவர்களும் பாஸிச கோரப் பற்களைக் காட்டிக் கொண்டிருக்கிறார்கள்.

 

இவர்கள் இப்படித்தான் இருப்பார்கள் என்பதில் நமக்கு மாற்றுக் கருத்து ஒன்றுமில்லை. ஆனால் அல்லாவின் மீது வைத்திருக்கும் நம்பிக்கை போலவே இவர்கள் மீதும் மூடத்தனமான நம்பிக்கையை வைத்துக் கொண்டிருக்கும் முஸ்லீம்களை பார்த்துத் தான் பரிதாபமாக இருக்கிறது.

 

இப்படி தனக்கு எதிராக கருத்து கொண்டிருப்பவர்களை எந்த குரான் ஹதீஸ் அடிப்படையில் விபச்சாரப் பட்டம் கட்டுகிறார்கள்?

 

இப்படி விருப்பம் போல் பொய்களை இட்டுக் கட்டிக் கூறுவதற்கு அல்லா இவர்களுக்கு வஹீ இறக்கினானா?

 

இப்படி கேள்வி கேட்க திராணியில்லாத தமிழ் முஸ்லீம்கள் மேலே இரண்டாவது பத்தியில் சொல்லப்பட்டிருப்பதை உறுதிப்படுத்துகிறார்கள் என்றே பொருளாகும்.

 

http://www.tamizachi.com/articles_detail.php?id=355

****************************************************

ஆர்.எஸ்.எஸ் பார்ப்பன பாசிசங்கள் எதற்கும் தயங்க மாட்டார்கள்.

 

ஜவகர்லால் நேரு பல்கலைக் கழக மாணவர் தலைவர் கண்ணையா தேசத் துரோகி என்றார்கள். எது தேசதுரோகம் என விளக்குவது அவர்களுக்கு அவசியமில்லை.

 

பாகிஸ்தான் ஆதரவு கோஷம் என்றார்கள். போலியாக தயாரிக்கப்பட்ட வீடியோ என்று சந்தி சிரிக்கிறது.

 

கால்சட்டையில் சிறுநீர் கழிக்கும் அளவுக்கு அடித்தோம். போலீசு எங்களுக்கு துணை நின்றது என்று வெளிப்படையாக பேட்டி கொடுத்திருக்கிறார்கள். மோடியியும் அவரது மூடிகளும் எல்லா ஓட்டைகளையும் அடைத்துக் கொண்டு கிடக்கிறார்கள்.

 

எதுடா உங்க தேசபக்தி?

ஆர்.எஸ்.எஸ் அஜண்டாவுக்கு எதிரான எதுவும் தேச விரோதம் என்றால் .. .. ..

 

பாம்புக்கு பாடம் நடத்தவும் முடியாது, மகுடி வாசிக்கவும் முடியாது. போட்டு நசுக்குவது ஒன்றே வழி.

*****************************************************

காக்கைக்கு இருக்கும் மதிப்பாவது இருக்குமா மக்கள் உயிருக்கு?

முன்னாள் ராணுவத்தினர் 16 ஆயிரம் பேரை ரிலையன்ஸ் நிறுவனம் வாங்கியிருக்கிறது [பொருட்பிழை இல்லிங்கோ]. ரிலையன்ஸ் குழும நிறுவனங்களை பாதுகாக்க இந்த ராணுவப் பிரிவு பயன்படுத்தப்படும். அதாவது நாட்டின் இராணுவம் என்பதே பெரு முதலாளிகளின் நிறுவனங்களையும் சொத்துகளையும் பாதுகாப்பதற்காகத் தான் இருக்கிறது. ஏற்கனவே ரிலையன்ஸின் ஜாம்நகர் சுத்திகரிப்பு நிலையத்துக்கு 200 மத்திய படை வீரர்கள் பாதுகாப்பு அளித்துக் கொண்டிருக்கிறார்கள். இந்த லட்சணத்தில் ரிலையன்ஸே நேரடியாக கையாளும் இராணுவப் பிரிவு உருவாக்கப் பட்டிருக்கிறது.

காஷ்மீரிலும் வடகிழக்கு மாநிலங்களிலும் மக்கள் இந்திய இராணுவத்தை எதிர்த்து போராட்டங்கள் நடத்திக் கொண்டிருக்கிறார்கள். அரசு எந்திரம் அவர்களை தீவிரவாதிகளாக சித்தரிக்கிறது.

இந்த நிலையில் ரிலையன்ஸ் இராணுவம் மக்களை என்ன செய்யும்?

*******************************************************

251 ரூபாய்க்கு ஆண்ட்ராய்டு ஸ்மார்ட்போனாம். நான்கு மாதம் கழித்து டெலிவரியாம்.

120 கோடி ஜனத் தொகையில் ஒரு ரெண்டு கோடி பேர் பதிவு செய்ய மாட்டாங்களா? கெடச்சது 582 கோடி

ரெண்டு கோடி பேர்கிட்ட இண்டெர்நெட் வசதியுள்ள போன் இருந்தா நாலு பெரிய கம்பனிகளுக்கு குறஞ்சது 50 லட்சம் புதிய வாடிக்கையாளர்கள். ஒரு வாடிக்கையாளர் ஒரு மாசத்துக்கு 200 ரூபாய்க்கு ரீசார்ச் செஞ்சா ஒரு மாசத்துக்கு 400 கோடி

சாமி இப்பவே கண்ணை கெட்டுதே.. .. ..

மின்னூலாக(PDF) தரவிறக்க‌

%d bloggers like this: